Home Gobierno Pa 2020 Aruba tin un surplus di 29 miyon florin

Pa 2020 Aruba tin un surplus di 29 miyon florin

156
0
SHARE
- Advertisement -

Minister Xiomara Ruiz Maduro:

ORANJESTAD (AAN) – Minister di Economia y Finanzas Xiomara Ruiz-Maduro, a duna informacion den conferencia di prensa tocante e presupuesto 2020 y con esaki ta bay mustra.

Minister Ruiz-Maduro a splica cu e presupuesto ta cla pa bay Raad van Advies pa conseho pero tambe e ta bay CAft, pa duna su opinion y despues e ta bay Parlamento pa debati’e.

E dignatario a mustra via slides cu e cifranan preliminar di entrada ta premira riba 1.553 miyon florin loke ta nifica cu entrada di nos pais ta subi mientras cu e gastonan ta premira na 1.525 miyon florin.

Gastonan di personal ta bay ta na 476 miyon florin den cual tin un protocol cera cu Hulanda, y esaki ta trece cune cu gobierno den su propio plannan financiero, cu ta stipula den e memorandum financiero-economico, ta poni cu tur aña gobierno kier baha e suma di gastonan di personal cu 3 miyon.

E mandatario a bisa cu asina por mira cu gobierno ta sali for di e parti unda tabata 479 miyon pa e aña aki presenta e ora ey, un presupuesto cu gasto di personal reduci.

Minister Ruiz-Maduro a señala cu gobierno ta haciendo hopi trabao pa asina por reduci e gastonan aki y por wak cu den e ehercicionan cu nan ta haciendo aworaki, nan ta pidiendo yudanza di IMF pa nan tambe tira un bista riba e situacion.

Pa loke ta regarda absentismo laboral gobierno ta trahando hunto cu SVb y tambe CAft a traha un rapport riba gastonan di overtime.

E mandatario a bisa cu tur esakinan ta trabaonan cu gobierno ta hibando a cabo pa asina reduci e gastonan di personal, pasobra esaki e gastonan di interes ta esnan mas grandi riba e presupuesto di Pais Aruba.

Encuanto gastonan di servicio di producto esaki ta na 102 miyon florin; e gastonan di interes ta na 225 miyon. Minister Xiomara Ruiz-Maduro a bisa cu esaki compara cu aña pasa e tabata na 232 miyon y aworaki e ta baha bay na 225 miyon, cu ta nifica gobierno ta bolbe haya espacio.

Esaki ta importante pa por yega na presupuestonan balansa y cu surplus y e ora ey e pais ta cuminza hala rosea y asina poco, poco, e gastonan cu ta relata na e debe, interes entre otro, ta baha.

E mandatario a subraya cu ya caba esaki ta den e rumbo corecto. Subsidio ta keda subi un tiki mas: 219 miyon; belasting directo tambe ta na 560 miyon. E ta baha compara cu aña pasa, pero esaki tin di haber cu Aruba ta bayendo mas y mas riba belasting indirecto.

Pa e motibo aki tambe belasting indirecto ta subi y e ta bay na 636 miyon compara cu e 614 miyon cu e tabata e aña prome. Gobierno ta kere cu e tin cu keda cu espacio pa inverti y pesey a pone e 20 miyon aki disponible. Banda di esey tambe, un otro inversion cu semper tin ta fianza pa estudio, pasobra Aruba tin cu capacita su hendenan.

Minister Ruiz-Maduro a expresa cu mas importante cu tur e cifranan aki, ta e noticia cu Aruba ta conoce un surplus financiero cual ta 29 miyon florin pa 2020, y esaki ta ekivalente na 0.5% di su DGP.

Esaki tambe ta e norma cu gobierno a pone pa su mes, pa asina aki nos pais drenta den un via unda por yega na un presupuesto cu ta bira manehable, y despues sostenible pa e pais aki.

 

- Advertisement -

DUNA COMENTARIO

Please enter your comment!
Please enter your name here