Placa di Aruba tabata placa di Dande pa Gobierno Eman

    339
    0
    SHARE
    - Advertisement -

    E misterio y aventura di Citgo tabata parti di totalidad

    *Parlamento actual mester splica pueblo calamidad financiero

    *Ni autoridad financiero ta conoci cu base y maneho 1.6 Biyon 

    ORANJESTAD(AAN)–“Mescos cu Citgo a rementa den nan cara, miembronan di gobierno Mike Eman mester realisa cu tur berdad di e forma cu nan a abusa di confiansa di pueblo riba tereno financiero, lo bini dilanti. Nan no por sconde berdad mas.” a wordo treci dilanti dor di informantenan di DIARIO.

    Nan ta mustra cu Reino a duna prueba na Aruba cu e no ta sinta keto y cu e Comision di Supervision di Reino a presenta prueba pa placa cu por economisa na Aruba si stop overtime.

    Por bay spera mas accion di Reino pa tur berdad bini dilanti segun informantenan cu a mustra cu Reino mester tene cuenta cu e rapportnan di Algemene Rekenkamer Aruba, cu a condena e forma cu Gobierno Eman a atende cu placa di Aruba.

    “Placa di Aruba a bira placa di dande pa Gobierno Eman,” informantenan a mustra. Te na momento cu Algemene Rekenkamer Aruba como autoridad financiero di e pais tabata traha su rapport, e no por a bisa kico tabata e base y kico e maneho exacto cu e suma 1.6 Biyon di Aruba di cual 1 Biyon a wordo poni na disposicion di proyectonan cu a sigui bira mas caro.

    “E calamidad mas grandi di e formula financiero di Gobierno Eman tabata e misterio total di su forma di maneha placa di Aruba, manera a bini dilanti den e aventura di Citgo cu a bira e segundo atake di gobierno Mike Eman riba pueblo di Aruba,” a wordo splica.

    Ta insisti pa Parlamento actual dicidi con ta sigui cu gastonan na cual gobierno Mike Eman a mara Aruba na un forma desastroso. Miembronan di Parlamento di AVP mester mantene silencio pasobra ta solamente ora tabata trata presupuesto, pues un bes pa aña, nan tabata cuestiona loke gobierno Mike Eman tabata haci cu placa di Aruba.

    “Ni den Citgo na cual a mara Aruba no solamente na Nicolas Maduro pero tambe na placa pa cambionan grandi cu mester a haci y gastonan pa preparacion di un proyecto fantasma, no a tene cuenta cu ley ni regla. Den e caso di 1.6 Biyon mester bisa cu ni placa di dande no ta gasta manera a haci cu e 1.6 Biyon di pueblo di Aruba cu awe mester paga,” informantenan a bisa.

    DIARIO lo sigui informa mientras ta conoci cu e maneho financiero misterioso y di aventura di gobierno Mike Eman, ta rementa lentamente for di otro.

    Falta di control cu ley ta exigi tabata e motibo principal pa e actual crisis cu Aruba conoce, ta conclusion di rapportnan y expertonan cu ta guia DIARIO pa informa Aruba na forma independiente.

    - Advertisement -

    DUNA COMENTARIO

    Please enter your comment!
    Please enter your name here