Home Gobierno Proyecto di lusnan LED pa Veld Caravel na Angochi a inicia

Proyecto di lusnan LED pa Veld Caravel na Angochi a inicia

82
0
SHARE
- Advertisement -

Minister Dangui Oduber:

ORANJESTAD (AAN):  Dialuna atardi Minister di Deporte  Dangui Oduber a bishita veld Pirata na Angochi pa duna e club di Independiente Porto Caravel e bon noticia cu pronto e veld lo haya lusnan LED.

Veld Pirata no tin iluminacion adecuado pa practica e deporte di futbol y pesei esaki ta sumamente necesario.

Pa realisa e iluminacion, veld Pirata lo bay conoce trabaonan di infrastructura riba e parti di electricidad prome y despues lo instala e lusnan. Na un forma creativo a yega na fondonan pa percura pa Independiente Porto Caravel haya iluminacion.

E team aki no ta un ekipo desconoci den futbol na Aruba, den pasado nan tabata den division di honor y na un ocacion a sali na tercer lugar. Veld Pirata ta e di 4 veld na Aruba bou di proyecto di luz LED pa veldnan cu lo haya iluminacion.

Ya caba veld di Kudawecha y Flatstone a ricibi nan Luz LED nobo, veld di SC United tambe ta e otro cu ta den proceso pa haya luz LED nobo.

Deporte ta un instrumento importante pa nos pais. E ta percura pa entre otro un bida mas saludabel, tanto fisico como mental, e ta tene hobennan leu di delincuencia y ta siña nan disciplina. Sin deporte, un nacion no tin bida. Pa e motibonan aki, Minister Dangui Oduber ta haya importante pa deporte na Aruba haya e atencion debido.

Minister Dangui Oduber ta sigui cumpli apesar cu e fondonan pa deporte ta hopi limita, asina mes a haci hopi pa deporte. Apesar cu deporte ta secuestra pa e cartel di lotto na un manera creativo ta yudando den deporte.

E mandatario a menciona cu a yuda diferente club cu material, airco y iluminacionnan. Intencion ta pa poco poco drecha den tur bario caminda tin necesidad pa cu deporte.

Minister Oduber kier a felicita e dirigentenan y e hungadornan di Independiente Porto Caravel cu pronto lo tin nan lusnan nobo y desea nan tur clase di exito den division di honor.

- Advertisement -

DUNA COMENTARIO

Please enter your comment!
Please enter your name here