Turista di 67 aña a bira malo na lama y a fayece

ORANJESTAD (AAN):  Cuerpo Policial a informa cu ayera dialuna merdia pa 12:38 central di polis a wordo notifica cu un turista a bira malo ora di bay duik y un boto di placer lo tabata treciendo e turista na  Pelican Pier.

Segun KPA, tanto Polis y ambulance a bay na e sitio menciona y na yegada e personal di ambulance a cuminsa cu re-animacion di e turista masculino. Pero lamentablemente no por a haci nada mas.

Pa 2:10 dr Texier  ta constata morto di e turista masculino  W.J.G. di 67 aña di edad di nacionalidad mericano.

Slachtofferhulp a presenta pa asina guia e famia den e momento dificil aki.

DIARIO y Cuerpo Policial ta manda palabra di condolencia na famia di e fayecido.