WEB tambe den 1.6 Biyon di Mike y Benny den nubia

    1339
    0
    SHARE
    - Advertisement -

    Autoridad financiero di Aruba no tin claridad riba cifra

    *Maneho iresponsabel a laga tur costo y maneho na duda

    *Mester splica kico a pasa cu e proyectonan sin costo conoci 

    ORANJESTAD(AAN)–Na momento cu DIARIO a ricibi un carta “publico” di un organisacion cu a bisa di ta actua na nomber di personal mas halto di WEB, DIARIO a anuncia cu e lo bay investiga loke ta pasa y informa su lectornan.

    Awe diferente articulo ta wordo presenta a base di WEB pa asina splica basicamente kico ta pasa den e compania sumamente importante pa pueblo.

    DIARIO ta trata tambe pa haya tur informacion riba e desaroyonan di proyectonan cu mester a wordo ehecuta den WEB y Elmar segun e proyecto total di 1.6 Biyon di Mike y Benny.

    Pa haya informacion riba e asunto aki no ta facil mas ainda pa motibo cu tur envolvi, a permiti e loke lo pasa cu placa di pueblo den e caso di gobierno anterior, completamente den nubia.

    Informantenan clave ta bisa cu pueblo mester bay haya tur informacion di e proyectonan cu sin documentacion basico manera un dossier di proyecto, a wordo introduci dor di Mike y Benny.

    E rapport di 2017 di autoridad financiero di Aruba, cu ta Algemene Rekenkamer Aruba, no por duna mucho informacion pasobra no tabata tin mucho informacion riba realidad di e proyectonan aki pa cual a destina 12 Miyon pero cu lo por a bira mucho mas.

    E proyectonan aki tambe mester a wordo construi a base di “traha awo y paga despues” pa cual Aruba mester paga awe y den futuro.

    Cuatro proyecto por mira pa WEB den e proyeccion di e 1.6 Biyon di Mike y Benny, cu no por a controla maneho di e placa pasobra instrumentonan pa control no tabata presente.

    Pa ley e proyectonan aki mester a wordo supervisa pero Benny Sevinger y Mike Eman no a haci ningun caso di e carta di advertencia di Algemene Rekenkamer Aruba, cu finalmente a entrega e rapport na e gobierno nobo di Wever-Croes.

    Awor cu WEB ta den publicidad pueblo mester haya sa tambe kico tabata e proyectonan pa 12 Miyon y e companianan cu a wordo encarga pa haci e proyectonan aki segun e sistema di Mike y Benny di traha awe y paga despues sin ningun claridad.

     

    - Advertisement -

    DUNA COMENTARIO

    Please enter your comment!
    Please enter your name here