Home General Brug Balashi mester cumpli cu siguridad trafico

Brug Balashi mester cumpli cu siguridad trafico

179
0
SHARE
- Advertisement -

Rapport autoridad financiero di Aruba no ta laga duda

*Te ainda ningun informacion riba calidad di e vangrail

*Boet pa companianan si no cumpli cu e contracto firma

ORANJESTAD(AAN)–Ta sumanan enorme Aruba mester paga durante e proximo binti añanan pa e proyectonan di Green Corridor y Avenida Watty Vos.

E riesgonan financiero enorme pa Aruba ta motibo cu despues di su prome rapport di 2017 awor autoridad financiero di Aruba, Algemene Rekenkamer Aruba, a bini cu un segundo rapport.

E rapport aki ta confirma loke DIARIO for di momento cu e accidente grave a sosode na e Brug di Balashi a trece dilanti.

E construccion di e brug mester ta di tal calidad cu e por evita cu un auto ta cay den abismo na cualkier parti di e brug. E accidente cu a tuma luga por tabata fatal na e forma mas pisa pero e solo hecho cu el a tuma luga ya ta contra e motibo pa cual a traha e brug.

Den e ultimo rapport di Algemene Rekenkamer Aruba por tuma nota cu e motibonan principal pa cual a dicidi di traha e brug y a introduci e proyectonan Green Corridor y Avenida Watty Vos tabata pa siguridad den trafico.

Esaki ta nifica cu e brug mester aporta den trafico y no por permiti pa un auto pasa den un vangrail y bay cay den un abismo.

Informacionnan di publico ta mustra cu e subida di e brug ta haci e posibilidad pa chauffeurnan subi nan velocidad y hasta pusta riba e brug, manera a sosode.

Esaki ta encera pues cu e calidad di e brug mester por stroba cu un vehiculo ta pasa dor di e vangrail.

Autoridad financiero di Aruba ta mustra riba e posibilidad pa aplica boet si companianan no cumpli cu e regla di calidad, pero tambe pa pone nan paga tur gasto cu tin pa falta di calidad.

DOW mester sigura su mes cu e companianan cu a keda encarga cu e proyectonan sumamente costoso, a cumpli debidamente cu nan encargo.

Departamento di Financia mester percura pa sigui tur gasto cu ta wordo haci den e proyectonan cu manera DIARIO hopi bes a mustra, ta contene e riesgo cu nan ta sigui subi segun nan ta wordo realisa.

DIARIO ta sigui vigila kico ta pasa y ta sigui acumula reclamonan di Arubianonan riba planificacion cu ta crea mas gasto pa Aruba cu pa motibo di e proyectonan aki tambe ta den un situacion financiero dificil durante e proximo decadanan.

E rapport cu mester mira luz riba e accidente na e brug, cu tin diferente tipo di vangrail na e subi, mester aparece pa demostra kico ta e pasonan cu mester tuma pa evita ripiticion di loke a pasa of pio.

- Advertisement -

DUNA COMENTARIO

Please enter your comment!
Please enter your name here