Home General Reino no por forsa Aruba habri frontera cu Venezuela

Reino no por forsa Aruba habri frontera cu Venezuela

478
0
SHARE
- Advertisement -

Durante ultimo añanan figuranan discutibel tabata na Aruba

*Mester recorda menasa di Chavistanan pa libera Aruba

*Curaçao ta negocia cu Maduro y Aruba cu Grupo Guaidó

ORANJESTAD(AAN)–Ningun gobernante Hulandes ni Reino por exigi Aruba tuma un decision cu ta contra e bienestar y siguridad di Aruba.

Esaki ta loke informantenan a duna di conoce a base di informacionnan cu Prome Ministro di Curaçao a declara cu gobierno di e pais lo introduci un sistema pa habri e fronteranan entre Curaçao y Venezuela den fase.

Segun informacion, e decision aki ta pa e pais, cu tin derecho di dicidi riba su porta mescos cu Aruba tin derecho di dicidi kico e ta haci pa garantisa siguridad di su pais.

Ta berdad cu Reino ta dicidi riba asuntonan internacional pero den e caso diferente aspecto den e relacion entre Reino y Aruba manera regla den Statuut ta valido.

E interesnan cu Curaçao y Hulanda tin den Venezuela, ta otro for di e interesnan cu Aruba como pais tin cu Venezuela, cu a causa hopi daño na Aruba.

Na prome luga Curaçao ta mara na Venezuela dor di nan contractonan pa e refineria na Curaçao, loke no ta e caso cu Aruba. E acuerdo cu Aruba tin awor cu Venezuela riba tereno di refineria, ta den fase di wordo termina, cu ta e acuerdo cu Citgo cu a perhudica Aruba seriamente ya cu e no a realisa pero si a sirbi pa tranca e desaroyo economico diversifica di Aruba.

Problemanan di Venezuela a afecta Aruba riba tur tereno y Aruba no por pone su siguridad na riesgo cu figuranan Venezolano di mal reputacion. E presencia di Hugo Carvajal cu awor ta fugitivo di Husticia na Merca, ya a causa problema serio pa Aruba.

Aruba mester tene cuenta cu su siguridad mas ainda den bista di su sector di turismo cu ta e base economico di e pais.

No mester descarta infiltracion peligroso pa Aruba, cu no ta lubida e hecho cu recientemente representantenan di Chavismo a declara den programa televisa cu Aruba tambe mester wordo libera for di Hulanda.

Cada pais den Reino tin e ultimo palabra riba e siguridad di su cas, cu ta parti di su presupuesto.

Hulanda ta encarga cu defensa di e pais pero tin otro factornan cu cual Hulanda no ta encarga y cu ta mishi directamente cu e bienestar y siguridad di e pueblo di Aruba, cu gobierno di Aruba mester duna tur prioridad.

Reino a acepta condena di regimen Nicolas Maduro cu tin Venezuela den su man ainda y a acepta Juan Guaidó como Presidente. Aruba ta negocia cu grupo Guaidó riba futuro di e refineria di Aruba cu regimen Nicolas Maduro a afecta.

Aruba mester defende su bienestar, su pueblo y no por permiti ni Reino of decision di otro pais stroba gobierno di Aruba percura pa Aruba na prome luga.

- Advertisement -

DUNA COMENTARIO

Please enter your comment!
Please enter your name here