Zr. Ms. Groningen a intercepta un cantidad grandi di mas cu 1400 kilo di cocaina

    276
    0
    SHARE
    - Advertisement -

    ORANJESTAD (AAN): Pa di cuater biaha den dos luna di tempo e Barco di Marina Hulandes  Zr.Ms. Groningen a intercepta un cantidad grandi di transporte di droga.

    Den marduga di dia 2 di December, e barco di patruya den Caribe a sa di obliga un asina yam a ‘go-fast’  pa stop; e boto aki tabata transportando un cargamento di cocaina di mas di 1400 kilo.

    E  Dash-8 den e area, un avion maritimo di patruya di Wardacosta di Region Caribe, a descubri e boto di droga rapido aki. Zr.Ms. Groningen a keda activa pa esaki, cu na su turno a activa su helicopter di combate maritimo NH90.

    Mientrastanto Groningen a lansa un FRISC, un di e dos botonan rapido pa intercepcion, cu ta ubica riba Groningen. E ‘go-fast’ a keda al final obliga di stop, pa medio di intermediacion di e helicopter NH-90.

    E  FRISC, cu tabatin abordo un team combina di Wardacosta Mericano y Cuerpo di Marina, tabata rapidamente na e luga despues pa listra e boto cu tabata transportando droga. Den esaki a encontra 1421 kilo di cocaina.

    E sospechosonan y e droga mas despues a keda entrega na un barco di Wardacosta Mericano, pa persecucion tuma luga na Merca.

    For di April di 2019 Zr.Ms. Groningen, como barco di patruya den region Caribe, ta activo den e area aki. Groningen ta forma parti di e ‘Tripulacion alternativo riba Barco di Patruya cu ta subi Oceano (pilot Ocean Going Patrolvessel).

    Esaki ta nifica cu e barco ta nabega dos aña largo den area Caribe, pero cu e tripulacion ta cambia periodicamente. Eherce operacionnan contra droga y sostene Wardacosta Caribe ta tareanan di e barco di patruya.

    E tripulacion actual desde su rotacion na September ultimo, ya dos biaha prome cu e ultimo aki a haci un deteccion di droga. Pues te cu awor e rotacion aki a sa di kita 2900 kilo for di riba caya.

     

    - Advertisement -

    DUNA COMENTARIO

    Please enter your comment!
    Please enter your name here