Gobierno no por ta sigur di gastonan desconoci

    151
    0
    SHARE
    - Advertisement -

    Conseho Supervision den Reino conoce e rapport Bo Aruba? 

    *Autoridad financiero Aruba mes no por pronostica riesgo 

    Na fin di siman pasa,  e cambionan cu mester a wordo haci den Parlamento y Gobierno di Aruba a wordo realisa cu entrada di dos miembro nobo den Parlamento y disponibilidad awor di Marisol Lopez pa bira Ministro.

    E momento a yega pa Aruba bay trata su cifranan pa 2020 cu mester ta base pa entrada y gastonan oficial di e pais, cu ta bao supervision di e comision di Reino, CAFT.

    Nos ta di acuerdo cu e situacion financiero cu a desaroya na Aruba sigur despues di 2010, ta motibo suficiente pa Reino exigi un bon maneho financiero na interes di e Arubiano.

    Un calamidad financiero por a presenta su mes si Reino no a interveni a base di e situacion cu e debe nacional y mal maneho economico a nifica pa Aruba.

    Nos ta di acuerdo cu CAFT, cu ni un negoshi ni un gobierno por basa su mes riba entrada incidental si kier garantisa un bienestar duradero.

    Den e caso di Aruba sinembargo, tin un “pero” masha importante pa aplica. Aruba ta bay tin gasto cu Aruba mes no conoce completamente bon y cu ainda mester dicidi con ta bay paga nan.

    Na hopi ocasion, nos a trece e punto aki dilanti como nos preocupacion grandi pa futuro di Aruba basa riba loke e autoridad financiero di Aruba mes a ilustra.

    Den e rapportnan di Algemene Rekenkamer Aruba por topa cu un advertencia serio cu ainda e proyectonan cu ta cay bou “Bo Aruba” ta contene riesgo desconoci.

    E riesgo ta asina grandi cu despues di su prome rapport, cu por duna base na autoridad penal pa actua contra gobernacion anterior, Algemene Rekenkamer Aruba a bini cu un rapport extra pa mustra Aruba kico ainda ta na wega.

    Den ambos rapport, Algemene Rekenkamer Aruba, e autoridad financiero maximo di  e pais cu ta controla si gobierno ta tene su mes na ley, ta mustra cu e proyectonan PPP (PPS) cu ta inclui Avenida Watty Vos y Green Corridor, por tin resultado financiero mas serio pa Aruba cu mester bini cu un forma special pa cubri e gastonan.

    Den e rapport aki, conoci como “Bo Aruba”, e realidad mas peligroso di e pais ta sconde pasobra te ainda Aruba no conoce e gastonan grandi cu Aruba tin pa e proximo 29 añanan.

    Ora tin gasto, comunidad mester paga. Cuanto comunidad mester paga? Kico ainda por bini riba loke segun e rapportnan comunidad mester paga?

    Nos ta sostene tur intento pa evita cu Aruba ta bay haya su mes den un calamidad financiero pio cu e conoce awor.

    Pero, pero y pero, awor mester paga suma desconoci finalmente. Pues loke mester pueblo mester paga pa gobierno haya den caha pa e paga e debenan, ta desconoci.

    Loke mester haci awor ta, cu hunto cu CAFT cu a ofrece su yudansa y ya a descubri e desaster financiero di overtime, Aruba ta crea sistemanan pa entrada mas duradero cu ta nifica expansion di economia y baha gastonan di gobierno.

    Den esaki CAFT, Gobierno y Algemene Rekenkamer Aruba sigur mester topa otro.

    Central lo bira e formula, pa por atende cu e riesgo di proyectonan iresponsabel y contra e ley di gasta placa di pueblo cu gobierno anterior a laga atras pa Aruba.

    - Advertisement -

    DUNA COMENTARIO

    Please enter your comment!
    Please enter your name here