Home Enseñanza Na BNA, Encuentro di Aña pa Aruba, Bonaire y Corsow, cu enfoke...

Na BNA, Encuentro di Aña pa Aruba, Bonaire y Corsow, cu enfoke riba Papiamento-Papiamentu

26
0
SHARE
- Advertisement -

Anfitrion Mirto Lacle:

ORANJESTAD (AAN) – Na Biblioteca Nacional Aruba, a tuma lugar un anchi special organiza pa sr. Mirto Lacle, hunto cu Biblioteca Nacional Aruba (BNA) y Departamento di Cultura Aruba (DCA).

E Linguista y Gestor Cultural Mirto Lacle tabata anfitrion y a haci e introduccion na e evento.

Esaki ta e Encuentro di Aña cu usualmente ta tuma lugar pa Aruba, Bonaire y Corsow, cu enfoke riba Papiamento-Papiamentu.

Den e anochi aki a reconoce cinco persona hopi conoci, naci entre 1918 y 1920.  Pa Aruba, sr. Lacle a menciona: Juan Chabaya (Padu) Lampe, naci na 1929; pa Bonaire tin Lio Hubert Booi considera tambe como un Arubiano.

Pa Corsow tin, naci na 1918, sra. Nilda Pinto-Jesurun, cu ta e persona responsable pa e cuentanan di Nanzi cu 30 cuenta apunta, y cu tambe tabata forma parti di e grupo musical Los Canarios, cu tabata toca y canta na radio. Sra. Nilda tabata hopi conoci pa e dos talentonan aki, y el a muri na 1954, pues, demasiado hoben.

Ademas tin Pierre Antoin Lauffer, naci na 1920 y cu lo a cumpli cien aña. Ademas, tin Luis Enrique Daal, naci dia 5 di October 1919 y e tin 101 aña, mesun edad di Jose Dania. E evento ta, tambe, den memoria di sr. Tony Thijsen, ken a caba di fayece y cu tabata un di e cinco artistanan cu tabata na bida te recien.

Lacle a menciona tambe sr. Camilo Muyale, Edgar Kelkboom, Tommy de Cuba, y Tommy Figaroa. Sr. Kelkboom hunto cu Edwin Kock a duna un recital, den memoria di Tony Thijsen como un sorto di tributo na dje.

Sra. Maybelline Arends-Croes, cu ta dirigi e Coro Melange, tin 50 aña den farandula y Melange ta cumpli 25. Pesey a laga mustra parti di un documental cu Mirto Lacle y Ryan Oduber a produci. E ta dedica na Digna Herrera, Maybelline Arends-Croes, Tica Giel y Carmen Herrera.

Carmen Herrera a haci entrega di un buki di Nanzi, cu el a skirbi cu ta un obra di teatro, y cu el a ofrece Sidney Joubert pa e mustra cu Aruba tin su produccion. Aruba tin di Desiree Correa tambe.

Den e programa tabata presente Peter Scholing, un beleidsmedewerker y investigador, cu ta digitalizando hopi trabaonan cultural di Aruba, entre otro e Revista Watapana, cu Henry Habibe ta un di e personanan tras di dje, y ken a dedica dos trabao: un na Pierre Antoin Lauffer y otro na Luis Enrique Daal. Peter a mustra e publico kico a wordo digitaliza caba y kico tin pa bin.

Sr. Mirto Lacle a haci entrega di un portfolio y potret cu Pierre Lauffer a saca cu su camara, tempo cu e tabata na Aruba. Tempo di Aruba di antaño. Lacle a subraya cu Pierre Lauffer tambe ta stima Aruba, y el a skirbi un cantica dedica na Aruba.

Mirto Lacle, den su introduccion, a bisa cu e persona central den e anochi aki tabata Sidney Joubert ken a ricibi e buki Nanzi cu ta cera un trialogia pasobra e tey caba na Papiamento-Hulandes, Papiamento-Spaño y awo Papiamento-Ingles.

Sidney a elabora tambe riba ortografia di siglo XX. El a recorda Jossy Mansur cu tambe tabata tin parti den esaki pasobra e tabata tin tratonan cu Joubert.

- Advertisement -

DUNA COMENTARIO

Please enter your comment!
Please enter your name here