Ningun detencion ainda despues di 1 siman cu a kima Cacique Macuarima School

    733
    0
    SHARE
    - Advertisement -

    ORANJESTAD (AAN)- Dialuna tabata net un siman cu e candela feroz a destrui como 4 lokaal na Cacique Macuarima School na Macuarima, y cu a haci hopi dolor den pueblo.

    El a bira un candela cu a interumpi e bida y lesnan di henter e school, y cu tur instancia Gubernamental a pone man na obra pa busca solucion rapido.  Pueblo di su banda a bira furioso pa e acto vandalista baho cu a ser cometi.

    For di e graffiti cu a bin topa cune den e lokaalnan, por a cuminza nota cu e vandalistanan tin odio riba tur hende, y tambe hopi odio riba Polis.  Tanto Recherche y autoridadnan forensico di BFTO a bay haci un investigacion pa check tur vingerprint y demas detaye cu a ser haya.

    Den e bario tabatin algun cas cu Security Video Camera, cu a capta un imagen blanco y preto unda bo ta mira dos hende hopi delega ta canando, di cual uno tabata lomba sunu.

    Vocero policial Lito Lacle a indica cu te cu Dialuna no tin nada concreto ainda preto ariba blanco pa bay na detencion.

    Informacionnan ricibi tambe ta bisa cu banda di Stadion di Nadi Croes y Crismo Angela tambe tin e mesun tipo di graffiti skirbi, cu palabranan menos bunita y cu caligrafia cu ta identico cu esun cu a worde skirbi riba e murayanan den e klas.

    Esaki pues ta mustra cu ta existi e posibilidad cu ta e mesun hobennan aki a haci e acto di candela aki, pero tur cos ta den man di Ministerio Publico pa investigacion.

    Si acaso abo sa kende ta esnan cu a yega di pone graffiti den area di e Stadion di Nadi Croes y Crismo Angela (ex-Veld di Winston), ta bon idea pa yama Tipline di Polis na 111-41 pa duna informacion.

    Vocero Policial Lacle a comenta tambe cu mester bay traha riba campañanan di prevencion, combina cu lecturanan na scolnan pa hobennan, mayornan y maestranan pa asina concientiza e pueblo cu ora nan ta wak cu algo no ta bay bon, sea na cas, na scol of otro caminda, pa avisa mesora pa asina evita cu cosnan asina ta pasa.

    Pasobra invertiendo camaranan na scol ta yuda un poco, pero e ora ya e daño a worde haci caba, y mester bin cu algo pa preveni cu cosnan asina ta pasa.

    - Advertisement -

    DUNA COMENTARIO

    Please enter your comment!
    Please enter your name here