Home Policial Polis buscando un Toyota Agya relaciona cu e candela na Cacique Macuarima...

Polis buscando un Toyota Agya relaciona cu e candela na Cacique Macuarima School

2317
0
SHARE
- Advertisement -

ORANJESTAD (AAN)-  Den cuadro di investigacion andando riba e candela cu  a worde sendi intencionalmente diadomingo, 12 di januari 2020, pa mas of menos 11’or pa 12’or di anochi na Cacique Macuarima School, Recherche di Santa Cruz ta desea di papia cu tur hende cu por a mira algo riba e dia aki of cu pa casualidad por sa algo cu lo por yuda cu e investigacion.

Tambe Recherche di Santa Cruz ta desea di papia cu personanan cu durante e fecha ey, tabata den vecindario di Cacique Macuarima School y cu por a mira algo cu por yuda soluciona e kimamento aki.

Riba e portret por mira un auto, probablemente un Toyota Agya, cu tabata para dilanti di e school durante di e candela. E ocupantenan por ta posibel testigo valioso di e caso aki. E peticion ta pa e personanan aki por acudi na Recherche Santa Cruz.

Pa cu e sospechosonan por worde mira cu un tin un postura cortico y e otro cu un haltura un poco mas largo. E sospechoso cortico ta bisti den un ‘hoody’. Bou di e hoody e tin un otro shirt y e tin un carson cortico. E sospechoso cu haltura mas largo ta lomba sunu y e tin un carson cortico bisti. Probablemente el a pasa su T-shirt over di su cabez. Riba su lomba por mira un prenda/joya. Probablemente e ta un cruz di un Rosario.

Si un hende ta reconoce e personanan aki of ta reconoce e auto, of bo tin conocemento di algun informacion di e incidente aki, bo ta worde suplica pa presenta na Recherche Santa Cruz, of pa tuma contact cu polisnan di Recherche Santa Cruz na number di telefoon 527-2927, of via e-mail:  dar4@kparuba.com.

Tambe por laga tips anonimo riba e tiplijn di Cuerpo Policial Aruba, number 111-41.

 

- Advertisement -

DUNA COMENTARIO

Please enter your comment!
Please enter your name here