Home Gobierno Rumor cu gasolin lo caba na Aruba ta ‘Fake News’

Rumor cu gasolin lo caba na Aruba ta ‘Fake News’

226
0
SHARE
- Advertisement -

Prome Minister Wever – Croes:

ORANJESTAD (AAN): Diadomingo tabata circula un rumor indicando cu e trahadornan di CITGO lo bay welga y cu gasolin lo caba na Aruba.

Anochi ariba su pagina di Facebook, Premier Wever-Croes a duna di conoce cu esaki ta trata un biaha mas di noticianan falso cu ta sali for di “oponentenan politico”.

“No tin riesgo pa scarcedad di gasolin. E mensahe ta sin pia ni cabes. E trahadornan lo firma y despues nan lo welga y pesey ningun gasolin por drenta Aruba?!?

Si nan firma nan no ta trahador mas. Cerca ken nan ta bay welga? Esakinan ta trampanan di oponente pa daña e bunita ambiente di fiesta cu tabata tin pa Dia di Betico. No cai den nan trampa. Si Citgo bay mayan mes, Gobierno tin plan B cla caba pa suficiente reserva di gasolin.

E mihor cos pa Aruba, ta pa Citgo bay. Pero e no ta e mihor cos pa oponentenan ni nan cartera. Pesey nan ta sembra panico pa purba pa Citgo no bay. Awor cu Citgo bay e compania y e terminal ta bay bek den man di pueblo y ta bay trece mas progreso cu nunca. Pues, no tin motibo pa panico”.

Esey ta e declaracion di Evelyn Wever-Croes relaciona cu e noticia cu tabata circulando y birando viral.

 

- Advertisement -

DUNA COMENTARIO

Please enter your comment!
Please enter your name here