Home Suceso Venezuela: Nan a mata y kima un teenager y su curpa a...

Venezuela: Nan a mata y kima un teenager y su curpa a ser haya den maleta

619
0
SHARE
- Advertisement -

ORANJESTAD (AAN): Informacion for di Merida ta mustra cu habitantenan di e pueblo aki ta hopi conmovi.

Algun tempo pasa nan a pasa den e dolor, cu un teenager a mata un mucha muher di 9 aña usando un sker.

Awor nan a caba di haya shock pa cu e asesinato di un hoben di 16 aña di edad.

E dama hoben Geraldine Quintero a desaparece riba Dialuna Dia di Tres Rey.  Nan a raporta su caso na autoridad, cu famia no por haye ningun caminda.

E mal noticia a drenta cu Diaranson madruga a haye morto.  Despues cu nan a mate, nan a kima su curpa.

Prensa di Merida a raporta cu e teenager a wordo haya banda di e caminda di Salado Alto, cu ta den municipio Campo Elias.  Ta un unidad di Bombero a bay na e area pa atende un candela di yerba cu a ser raporta.  Aki ta unda cu nan a bin topa cu e curpa sin bida.

E cadaver a wordo haya den un maleta.  A nota cu parti di su curpa ta carboniza.  Famianan a reconoce pa un renchi cu e tabatin bisti.

E morto di e dama hoben Geraldine, a bira e di ocho muher cu a ser mata den apenas e prome siman di 2020 na Venezuela.

Geraldine Quintero tabata studiando su di cinco aña di Bachillerato na U.E. Colegio Sagrada Familia na Merida.

Ta parce cu e ultimo biaha cu nan a mira Geraldine tabata na e Parada di Bus cu tin net dilanti e terminal di e capital di Merida.

- Advertisement -

DUNA COMENTARIO

Please enter your comment!
Please enter your name here