Empleadonan publico kier sa si
ORANJESTAD (AAN)* Dialuna durante e reunion cu miembro y empleadonan publico en general cu TOPA a tene, preguntanan cu a bin dilanti ta con leu huridicamente por pone gerencia y hunta di supervision mas e ex-minister di Finanzas responsabel penalmente. Esaki a base di e rapport di Banco Central cu ariba cada pagina ta ilustra cu NO tabatin ningun tipo di maneho den APFA y na unda cu mas di mil miyon Florin di e trahadornan a worde gegambled sin cu tabatin conocemento of expertise den haci inversion y mas pio sin tene cuenta di e risico cu e placa di e trahadornan cu a traha duro durante añanan largo a somenta manera salo den awa.
ORANJESTAD (AAN): Diamars anochi, e manehador di un scooter Malossi coriendo riba caminda di Kibaima pa Pos Abao, na altura di Jontai Hardware na Piedra Plat, a perde control riba esaki.
Dado momento e scooter a bay den un scual, y esaki a pone cu el a cay hunto cu e manehador.
E scooter a keda lastra su so, y a bay dal contra un Toyota Yaris color blanco A-20086 y despues dal contra un Toyota Hilux pickup color silver A-9390. E motociclista a keda benta eybao na prome instante, cu varios golpi, y corta na su pia.
Prome Minister Eman:
ORANJESTAD (AAN): Tur e reunionnan cu Prome Minister Eman y su delegacion a tene e siman aki na Hulanda a bay den bon ambiente. Loke cu a resalta den e reunionnan aki tabata e bon palabra y elogio cu tabata tin pa pais Aruba, pa e manera cu semper a busca tur sorto di forma di cooperacion. Nos a combersa cu Prome Minister Mike Eman, kende a encabesa e delegacion cu a viaha pa Hulanda pa reunionnan importante relaciona cu cambio di Statuut.
Ank Bijleveld:
ORANJESTAD (AAN): Secretario di Estado Ank Bijleveld tambe tabata presente den e reunion di Conseho di Ministro di Reino y a bisa cu e meta di e reunion aki tabata pa wak cu tur cos ta cla pa e reunion di Tweede Kamer y Conferencia di Mesa Rondo, riba e cambionan cu lo drenta na vigor den Reino dia 10 di october, 2010. E debate den Tweede Kamer a tuma luga ayera tambe. E mandatario aki tambe a sali cu un cara alegre for di e reunion, di prueba con tur cos a bay den dicho reunion.
Emily de Jong Elhage:
ORANJESTAD (AAN): Prome minister di Antias Emily de Jong Elhage tabata presente tambe den e Conseho di Reino na Hulanda y tabata masha contento como politico di a forma parti di un ocasion asina importante, den loke tabata e ultimo reunion di e Constelacion di Reino manera cu e ta aworaki. A splica cu el a pasa tur e leynan cu a worde aproba ultimo aki na Aruba y e ultimo leynan cu tabata falta pa Curaçao. E politico di Curaçao a splica cu na Hulanda tabata tin masha aprecio cu apesar cu PAR no ta forma parti di e coalicion nobo cu sosten di 11 politico, toch PAR a vota na fabor di e cambionan cu mester tuma luga.
ORANJESTAD (AAN): Cu cara tapa, dos homber a drenta den Sun Lee Market na Madiki, y cu un cuchio basta grandi den man, a exigi pa tur placa di e propietario.
Nan a sali bay cu e caha di placa conteniendo venta di dia, a subi un Toyota color cora, y desaparece di e lugar.
Polis como tambe Atraco Team a worde envolvi pa cuminza investiga.
ORANJESTAD (AAN)* Tin moneda falso di 5 Florin ta circulando y tur hende mester paga tino pa no sali perhudica pa esnan sin escrupulo cu ta presta nan mes na e tipo di crimennan asina.
DIARIO a tuma contact tambe cu Banco Central encuanto e 5 Florin falso cu nos lectornan por mira adhunto riba un foto na unda cu a pega copia di nos cinco Florin riba un pida metal y pa lage pasa pa e original. Segun Banco Central nan tan a altura di uno, y esun cu DIARO a logra haya ta bira e di dos.
Meverly Romano PR a confirma na DIARIO:
Pa e aña aki y otro aña ainda ta keda papia di un atraso!
ORANJESTAD (AAN): Mirando cu tur aña tin hopi keho relaciona cu e placa cu pueblo kier haya for di Servicio di Impuesto pa loke ta Inkomstenbelasting, DIARIO a tene un entrevista cu Meverly Romano, Relacionista Publico di SIAD pa asina tene un bista riba e situacion y con esaki ta canando actualmente. Señora Romano a splica cu SIAD tin un plan di accion e aña aki. El a splica tambe e motibonan di e atraso pa loke ta e entrega di e placa di retribucion despues di aña 2005.
ORANJESTAD (AAN): E seguro medico di Aruba no ta un instituto cu tin un cobertura ilimita. Tin cosnan cu no ta worde considera un malesa, manera adiccion na droga of alcohol. Pa cuminsa, e director di SVb ing. Edwin Jacobs ta bisa cu mester cuminsa pa analisa kico ta un malesa. E no ta algo cu nan por bay na haci riba nan mes. Mester mire den cuadro di loke ta prescribi. Y ley ta describi kico ta malesa y ki momento bo por perde compensacion pa motibo di malesa.
Cambio den prijs di productonan petrolero
ORANJESTAD (AAN): Entrante 8 di september 2010 e prijsnan di benta di productonan petrolero lo cambia. Esaki ta conta pa gasolin, gasoil y kerosin. Minister di Asunto Economico, Asuntonan Social y Cultura ta informa cu a surgi un cambio den prijs di productonan petrolero entrante 8 di september 2010. E prijs di benta pa comercio por menor ta como lo siguiente: Gasolin ta baha cu 1,7 cent, pa worde bendi awor na 190,6 cent pa liter. Diesel ta subi cu 2,3 cent pa worde bendi awor na 161,5 cent pa liter.
ORANJESTAD.(AAN); Gerente di un supermercado na Dakota a reporta na polis cu un choller a drenta y horta den e establecimento. Patruya di Oranjestad dialuna atardi pasa di 4’or a bay atende e asistencia. Na yegada polis a papia cu doño di e establecimento, e homber naci na China di inicialnan R.W. di 68 aña. El a splica polis cu el a tuma nota pa medio di cameranan cu a capta un choller ta horta e producto pa shine y proteha tire cu ta costa 9 florin y .75 cen. E choller capta riba camera no tabata mas na e sitio.
ORANJESTAD.(AAN); Despues di merdia a presenta na warda di Noord e homber di inicialnan A.F. di 58 aña y a solicita intermediacion. E homber ta bisa polis di ta wordo molestia pa su ex amiga cu ta e muher di inicialnan O.R. di 62 aña. E relacion entre nan dos, dos luna pasa a yega na un fin. Riba 5 di september ultimo denunciante a bay fiesta na un hoffie y na dado momento a presenta e ex amiga tambe na e hoffie. A start un discusion formal entre e homber y e muher durante e fiesta na e Hoffie. E homber A.F. a sigui declara cu su ex amiga a destrui su auto y a ranca number di auto y bente afo.
HULANDA: E abogado Hulandes cu Joran van der Sloot tin, no ta contento cu e entrevista cu el a duna recientemente. E abogado ta yama esaki ‘no mucho inteligente’. E ta cuestiona e hecho cu ‘circus Joran’ a duna un ‘presentacion’ atrobe. Por lo general, no ta un bon decision pa un sospechoso di hechonan castigable busca publicidad. “Ta existi caba cierto imagen y atencion hopi biaha no ta yuda”, segun abogado Bert de Rooij, den Volkskrant. Esaki sigur ta conta pa van der Sloot, kende ta cera na Peru riba sospecho di asesinato di Stephany Flores y kende ainda ta wordo sospecha di tin di haber cu desaparicion di Natalee Holloway.
Empleadonan publico kier sa si
