Polis a gara turistanan ladron cu e horta den cas na Moko

Publication: Saturday, 10 December 2016. Categoria: Policial

ORANJESTAD(AAN)– Bao di e titulo di Bonnie and Clyde Arubano deteni  por lesa riba pagina 36 di un pareha cu a drenta horta den un cas na Moko y cu danki na colaboracion tambe di bisiñanan cu nan Neighborhood Watch App, a keda deteni..

E prome informe a menciona un pareha cu a actua hunto pa comete e  kiebra y robo y estilo di Bonnie and Clyde pero sin armanan disa di e bandidatonan historico americano.  Despues a bin resulta cu tabata 3 persona cu ta como turista riba nos isla y cu ta di nacionalidad colombiano tasbata esnan envolvi. .

Mr. Chris Lejuez ta premira cu DJ lo keda cera te dia su caso bin dilanti

Publication: Saturday, 10 December 2016. Categoria: Judicial

Mr. Chris Lejuez ta premira cu DJ lo keda cera te dia su caso bin dilantiORANJESTAD(AAN): Desde diaranson ultimo, Recherchenan di Jeugd en Zeden Politie (JZP), riba ordo di Fiscal na Ministerio Publico, a detene un hoben locutor y DJ  biba na Dakota . Diabierna mainta Hues Comisario a revisa e proceduranan hiba den e caso y a bay di acuerdo pa prolonga e detencion cu 8 dia mas.

E detencion di e presentador di radio y alabes Maestro di Ceremonia na varios evento publico, tin di haber cu un keho cu un mucha muhe menor di edad, 14 aña, a entrega contra dje pa inmoralidad. E hoben a keh’e di a tene relacion sexual cune y pa despues oblig’e di baha bariga ora a resulta cu el a sali na estado.

Andin y Otmar a pone diferencia y ego un banda pa uni den e mesun plataforma politico

Publication: Saturday, 10 December 2016. Categoria: Politica

Andin y Otmar a pone diferencia y ego un banda pa uni den e mesun plataforma politicoORANJESTAD (AAN) – Den conferencia di prensa Diahuebs mainta den Cas di Cultura, cual meta tabata pa firme a protocolo entre PDR y POR cu ta bin hunto den e plataforma politico nobo, mr. Andin Bikker a hiba palabra.

“Mi ta comparti sigur e opinion cu awe ta un dia historico. Ora bo drenta politica un persona cu tin pasion pa e profesion aki, e despliegue cu e ta bay haci, seguramente ta pasobra bo tin curazon pa yuda bo pais.

“ Pero pa bo por yuda bo pais bo tin cu drenta den gobernacion. Y mi persona tin tres eleccion caba purbando na logra pa drenta den gobernacion pa por asina ehecuta e plan di campaña, pa cual e sostenedornan a duna bo e voto.

Promedio di 700 pensionado ta drenta pa aña den e sistema di pensioen di SVB

Publication: Saturday, 10 December 2016. Categoria: General

Edwin Jacobs di SVB:

Promedio di 700 pensionado ta drenta pa aña den e sistema di pensioen di SVBORANJESTAD(AAN): Tin un ahustacion riba edad di pensioen riba AOV. Edwin Jacobs, director di SVB a splica cu prome minister a anuncia den prensa cu e pensioen di AOV y Viuda y Huerfano lo aumenta cu 2.3%.

Esaki despues cu Gobierno a acerca SVB pa mira kico ta e espacio financiero y e espacio financiero cu na e momento aki ta premira cu lo por duna pa e proximo 5 añanan ta e porcentahe akinan.

     Hopi importante ta ora cu ta traha conseho riba un posibel aumento ta, e efectonan no solamente riba termino cortico sino tambe termino largo.

SVB ta wak cu bon wowo e limpiesa di sistema di registro di Censo

Publication: Saturday, 10 December 2016. Categoria: General

SVB ta wak cu bon wowo e limpiesa di sistema di registro di CensoORANJESTAD(AAN): Censo ta bezig cu un limpiesa den nan sistema y durante un conferencia di prensa a menciona cu e limpiesa aki lo yuda tanto e situacion di SVB, di fondo di pensioen, kisas hendenan cu ta cobra sin merece y AZV.

Edwin Jacobs, director di SVB a splica cu nan a ricibi e noticia cu Censo ta bay haci un limpiesa di nan archivo cu masha bon wowo mes pasobra, nan ta conciente cu e bestand, e registro di Censo ta sushi y ta mira cu bon wowo cu esaki ta wordo atendi tambe.

Minister Paul Croes tocante Dia internacional di derechonan humano

Publication: Saturday, 10 December 2016. Categoria: General

paul_hollandORANJESTAD – “Awe nos isla Aruba ta uni na resto di mundo pa conmemora un dia masha importante, esta Dia International di Derechonan Humano. E hecho cu no tin un ceremonia of otro tipo di celebracion mas prominente ta muestra cu hustamente nos, como pais, ta respeta enormemente e esencia y ta goza di su existencia,” asina Minister di Asuntonan Social, Hubentud y Labor, drs. Paul Croes a comparti como reflexion.

“Sin embargo, ta precisamente ora bo por bisa di ta goza di un situacion sano den bo sociedad, e responsabilidad mester ta enfoca riba e defensa di esnan indefenso y esey ta loke nos mester corda awe,” e Minister a señala. E pensamento ta cuadra cu e yamada cu Nacionnan Uni ta haci.

Presidente di CAft Age Bakker: “Mester keda haci e maximo esfuerso pa logra alcansa e normanan di deficit”

Publication: Saturday, 10 December 2016. Categoria: General

ORANJESTAD(AAN): Colegio di supervision financiero di Aruba (CAft) a indica durante su reciente bishita di trabou na Aruba cu mester keda haci e maximo esfuerso pa keda denter di e norma maximo di deficit. Particularmente impuesto indirecto a keda na e momentonan aki hopi atras bou di influencia di e crecemento economico abou.

Na otro banda tin cu remarca cu reapertura di e refineria di petroleo lo conduci na entrada extra pa gobierno. E recaudacion di impuesto directo di Aruba na 2018 presupuesta cu 22% ta mustra un subida asina fuerte, cu CAft no ta suficientemente convenci di sostenibilidad di finansa publico di Aruba na termino largo.

Seguro di viahe a bira excesivamente caro

Publication: Saturday, 10 December 2016. Categoria: General

Segun opinion:

ORANJESTAD (AAN)—Manera ta conoci pa bay afo ta hopi necesario awendia pa cumpra un seguro di viahe. Pero esaki a bira excesivamente costoso.

Si bo bay afo di un pa tres dia e poliza ta accesible pasobra ta poco dia y segun e compania di aseguro e por varia di 8 pa 12 florin pa dia. Pero si e persona ta bay pa un temporada di dos of tres siman afo, ya caba ta entre 300 pa 400 florin e seguro ta sali y si ta bay cu yiunan e ta basta placa, y esaki ta haci cu, como un ta un ley hopi hende no ta cumpra e seguro di viahe.

Tipo di reunionnan manera esun di UNESCO ta cuadra bon pa Servicio Meteorologico di Aruba

Publication: Saturday, 10 December 2016. Categoria: General

Tipo di reunionnan manera esun di UNESCO ta cuadra bon pa Servicio Meteorologico di ArubaORANJESTAD   (AAN): Servicio Meteorologico ta pas bon den tipo di programanan aki, manera esun cu UNESCO a bin cun’e.

Marck Oduber, director di e departamento aki, ta di importancia e tipo di conferencianan aki, pasobra ta topa cu diferente hende experencia di universidadnan di exterior y tambe departamentonan y por brainstorm e ora riba cierto problemanan, manera hidrologico.

Manera ta e caso na Aruba mes, cu ora awa cay pisa, e awa ta disparce pa lama, of ta causa su dañonan manera flashfloods. Riba esaki ta papiando con pa yega na un solucion pa esey, con pa saca miho avisonan pa pueblo.

Tur edad di pensioen tin un prijs

Publication: Saturday, 10 December 2016. Categoria: General

Edwin Jacobs di SVB:

Tur edad di pensioen tin un prijsORANJESTAD(AAN): Director di SVB, Edwin Jacobs a comenta cu tur edad di pensioen tin un prijs. Na momento cu por paga e prijs ey por introduci edad di pensioen. Ta mescos cu un auto. Den principio nos tur por cumpra auto.

Pero nos mester wak e suficiente entrada pa por haya e fiansa di banco of cu nos por cumpr’e cash. Si bo entrada no ta duna pa cumpra un auto di luho cu ta costa hopi placa. Bo tin cu acepta cu bo tin un auto mas economico bo mester cumpra.

E sucedido na Insel Air ta atacha e integridad di Controlaria General di Aruba

Publication: Saturday, 10 December 2016. Categoria: General

Parlamentario mr. Xiomara Maduro:

ORANJESTAD    (AAN):   E empleadonan di Insel Air a entama un caso contra e gerencia di e compania debi na e sospecho cu Insel Air no a pasa e placa di loonbelasting y prima social pa Departamento di Impuesto.

   Remarcabel den e caso aki ta cu e CEO di e compania, sr Nuboer, ta un ex-inspecteur der belastingen di Pais Aruba y ta den funcion publico como e vice presidente di Controlaria General di nos Pais. E susedido aki ta algo grave y den un situacion asina na nos opinion sr Nuboer no por keda na cabes di e Colegio Halto aki di nos Pais, ya cu e susedido na Insel Air ta atacha e integridad di Controlaria General di Aruba.

 

22 aña di prison exigi pa asesinato di Lisandro Webb mata

Publication: Saturday, 10 December 2016. Categoria: Judicial

Fiscal a baha pisa

ORANJESTAD (AAN)– – Aunke cu e homber E.H.(24) ta para riba cu e no a haci nada, Fiscal ta hay’e culpable di a tira Lisandro Webb mata banda di Hooiberg y a exigi 22 aña di prison. Fiscal ta haya cu den e caso aki por mira claramente cu a planea tur cos, caminda e intension lo tabata pa e victima bay cumpra un arma di candela pero en realidad tabata un trampa pa a tir’e mata.

ACUSACION

Ayera Corte den Promer Instancia durante oranan largo a trata e caso di asesinato di Lisandro (Lalo) Webb. Fiscal a bisa cu e acusacion contra e sospechoso E.H. ta cu dia 19 Maart 2015, hunto cu otronan, a mata Lisandro Webb. Fiscal a mustra cu E.H. a tira e victima den cabez. Esaki Fiscal ta considera complice di asesinato.

Caribbean Festival of Inner Peace a tene su presentacionnan na tres lugar

Publication: Saturday, 10 December 2016. Categoria: General

ORANJESTAD (AAN)– Caribbean Festival of Inner Peace a tuma lugar den Cas di Cultura cual tabata su premiere na Aruba y despues a tene un pesentacion na  International School of Aruba, y tambe na Teresita Center.

Den entrevista cu DIARIO sra. Rani Verde a splica cu esaki ta un intercambio cultural entre Aruba y India den cual Anandita Basu, cu ta un cantante internacional biba na Medellin, a deleita e publico cu su voz cu ta transmiti paz, hunto cu su grupo di danza.