Exitoso tabata e Sportdag teni na Filomena College Mavo

ORANJESTAD (AAN): E siman cu a pasa Filomena College Mavo a tene su sportdag 2024,

y informacion ricibi ta mustra cu e alumnonan a disfruta inmensamente di e dia aki.

   E weganan di futbol, minefield, 123 koekoek, trefbal, waterspel y mas,  tabata parti entre Joe Laveist sportpark, YMCA y Zaal Princes Cristina.

   E dia deportivo aki tabata bao guia di meneer Erik Farro y tabata organisa door di e studiantenan di 4-de klas.

   Filomena College Mavo ta haya importante pa su alumnonan ta activo den deporte como cu esaki ta parti di formacion di un ser humano saludabel. Directorado y cada alumno ta gradici cada sponser y contribuyente cu a haci e dia deportivo aki exitoso.