ORANJESTAD (AAN): President di Aruba Taekwondo Bond "ARTBO", esta Moises Fernandez a biaha pa Guadalajara, Mexico pa e Campeonato Mundial di adulto.
Durante e siman di 15-20 di November 2022, Moises Fernandez ta bay ta presente na tur e reunionnan di World Taekwondo. Aruba mester ta presente na e campeonato mundial pa asina Aruba por tin su derecho di voto y vos. World Taekwondo lo presenta e agenda di 2023/2024.
Durante e siman tur miembro di Pan American Union "PATU" ta bay ta presente y nan lo presenta nan agenda pa 2023/2024. Aruba tambe ta miembro di PATU. Moises Fernandez tin un tarea hopi importante pa atende cu PATU tocante di e desaroyo di Aruba su Taekwondo pa 2023. Moises Fernandez mester ta presente durante e asamblea general.
Moises Fernandez mester ta presente pa e credencial di Monica Pimentel cu ta bay ta e unico coach di Aruba.
Moises Fernandez ta bay atende na e reunion tecnico di e campeonato mundial pa e ta bon informa tocante di e ultimo desaroyo den Taekwondo. Durante e reunion di World Taekwondo nan lo presenta e agenda y e notulen di e aña aki pa asina tur Pais presente por vota.
