ORANJESTAD (AAN): Minister Geoffrey Wever a anuncia cu diabierna merdia, pa 12:28 pm,
el a ricibi un carta di ELMAR y despues pa 13:35 otro carta den cual ELMAR ta duna un propuesta pa e rebaho di e tarifa di coriente.
A expresa cu gobierno ta contento cu ELMAR a tuma e demanda di Gobierno na serio y a bin cu un propuesta pa e tarifa di coriente nobo y tambe a duna un splicacion di nan propuesta.
Awo tin expertonan cu ta revisando e propuesta pa asina por tuma un decision responsabel y husto pa cu e tarifa nobo. Pa otro siman tin mas claridad riba e topico aki.
