ORANJESTAD (AAN): Bo tin deseo pa bira maestro of ta explorando opcion di profesion?
Lesa pakico studiante Gennelay a scoge pa e profesion di maestro y laga su storia ta un inspiracion pa bo.
Na opinion di Gennelay, e carera di Maestro ta un profesion cu ta duna satisfaccion. Esaki ta e motibo principal pakico el a escoge pa e profesion aki.
“No tin nada mas bunita cu forma parti di un mucha su desaroyo door di duna nan entre otro e apoyo y herment necesario pa nan por bira persona felis y exitoso den nos comunidad.”
Si abo tambe ta sinti mesun entusiasmo cu Gennelay, corda cu tur informacion di estudio pa Maestro di Enseñansa Primario ta riba website di IPA. Subi www.ipaaruba.com y click riba opleidingen sigui pa Leraar Primair Onderwijs.
Aki lo bo haya informacion di entre otro contenido di e estudio, kico bo por haci despues di e estudio, gasto y procedura di inscripcion.
Durante open dag di IPA, dia 4 di november 2023, lo ofrece dos sesion di informacion general di estudio pa Maestro di Enseñansa Primario cu bo lo por atende. E orario di sesion 1 ta 10:15 am y di sesion 2 ta 11:00 am.
