ORANJESTAD (AAN): Un di e weganan di mas popular di Lotto keto bay ta esun di Zodiac. Aki bo ta escoge un number di cuatro cifra, y bo ta agrega un signo zodiacal, y ya bo ta den wega.
Esey ta exactamente loke Rodrigo a haci, y el a gana tambe! Pesey riba Diamars el a acudi na oficina di Lotto na Playa pa reclama su premio.
Aki mesora e empleadonan di Lotto a check e ticket, pa mira si el a pone su firma patras, y tambe a yena su number di cuenta di banco. Ora di scan e barcode, e computer a confirma mesora cu el a gana 25.000 Florin cu wega di Zodiac Merdia.
Mesora a cuminza cu e proceso pa transferi e premio electronicamente pa su cuenta di banco. Rodrigo a indica cu e ticket ganador el a cumpra na Bo Skina di Suerte.
