Accident na Palm Beach a laga un persona herida

ORANJESTAD (AAN): Tabata Diadomingo marduga un poco despues di mey anochi, cu Central di Polis

a manda un unidad di Polis di Noord rumbo pa e T-weg dilanti Sole Mare Restaurant na Palm Beach pa un accident.  Esaki ta riba e caminda di Noord bay pabao rumbo Palm Beach.

   Ora cu Polis a yega, a bin topa cu dos auto pega banda di otro.  E auto Toyota Mark X color preto cu number A-55247 tabatin golpi na e parti drechi dilanti, y e otro auto Toyota Yaris blanco cu number A-983 tambe tin golpi na e parti drechi dilanti.  Ambos auto na final di e impacto a keda cu cara pabao rumbo pa Hotelnan.

   Ta parce cu uno di nan no a duna preferencia, y a bira ocasiona e accident.

   Un di e ocupantenan masculino door di e impacto, a sufri un kap na cabes.  Ambulans a yega y paramediconan a dune asistencia medico.