ORANJESTAD (AAN): Minister Geoffrey Wever a habri e di 6 edicion di E-Seminar!.
El a bisa: "Mi kier extende mi un palabra di pabien y danki na e organisadornan di E-Seminar, Sr. Diederik Kemmerling y Sr. Mark Benson-Denz, y henter nan ekipo, pa un conferencia sumamente interesante!
A toca temanan importante y interesante pa nos mundo moderno di comercio y entrepreneurship, entre otro digitalisacion, mercadeo, y tecnologianan di Inteligencia Artificial (IA).
Desde November 2022, e mundo a ser sacudi cu introduccion di tecnologia IA gratis. ChatGPT den solamente 5 dia a surpasa 1 miyon usuario, y desde su inicio, awo tin varios diferente tipo di tecnologianan obtenibel.
Durante mi discertacion mi kier a enfoca riba e oportunidadnan cu modernisacion ta trece cu ne, y cu ta importante pa keda adapta y educa nos mes pa utilisa e tecnologianan di futuro pa nos bentaha.
"𝑰𝒏 𝒕𝒉𝒆 𝒇𝒂𝒄𝒆 𝒐𝒇 𝒑𝒓𝒐𝒈𝒓𝒆𝒔𝒔, 𝒊𝒕'𝒔 𝒆𝒂𝒔𝒚 𝒕𝒐 𝒘𝒐𝒓𝒓𝒚 𝒂𝒃𝒐𝒖𝒕 𝒋𝒐𝒃 𝒅𝒊𝒔𝒑𝒍𝒂𝒄𝒆𝒎𝒆𝒏𝒕 𝒐𝒓 𝒃𝒆𝒄𝒐𝒎𝒊𝒏𝒈 𝒐𝒃𝒔𝒐𝒍𝒆𝒕𝒆. 𝑩𝒖𝒕 𝒕𝒉𝒂𝒕'𝒔 𝒏𝒐𝒕 𝒕𝒉𝒆 𝒑𝒂𝒕𝒉 𝒇𝒐𝒓𝒘𝒂𝒓𝒅. 𝑻𝒉𝒆 𝒓𝒆𝒂𝒍 𝒐𝒑𝒑𝒐𝒓𝒕𝒖𝒏𝒊𝒕𝒚 𝒍𝒊𝒆𝒔 𝒊𝒏 𝒐𝒖𝒓 𝒂𝒃𝒊𝒍𝒊𝒕𝒚 𝒕𝒐 𝒂𝒅𝒂𝒑𝒕, 𝒕𝒐 𝒍𝒆𝒂𝒓𝒏, 𝒂𝒏𝒅 𝒕𝒐 𝒘𝒊𝒆𝒍𝒅 𝒕𝒉𝒆𝒔𝒆 𝒏𝒆𝒘 𝒕𝒐𝒐𝒍𝒔 𝒕𝒐 𝒂𝒎𝒑𝒍𝒊𝒇𝒚 𝒐𝒖𝒓 𝒔𝒌𝒊𝒍𝒍𝒔 𝒂𝒏𝒅 𝒂𝒃𝒊𝒍𝒊𝒕𝒊𝒆𝒔."
Unidadnan Idea-Aruba, Exprodesk y Arina di Departamento Asunto Economico Deaci tambe tabata presente pa brinda informacion na comerciantenan y entrepreneurs presente, entre otro riba con pa haci negoshi na Aruba, y tambe cualkier update riba maneho economico di Gobierno di Aruba.
Danki na tur coleganan di DEACI pa nan esfuerso y contribuicion - especialmente riba un diasabra mainta", e mandatario a expresa.
