Na caminda pa XXI Torneo Internacional Bolas Criollas Aruba 2022

ORANJESTAD (AAN) – Diahuebs anochi Papaya Ranch, organisador di XXI Torneo Internacional di Bolas Criollas,

a tene un conferencia di prensa unda a splica cu e entusiasmo ta grandi y cu un record di ekiponan for di exterior. XXI Torneo Internacional di Bolas Criollas lo tuma lugar dianan 1-2-3-4 September 2022 riba canchanan di Papaya Ranch. Lo tin participacion di 18 ekipo for di Boneiro, 19 ekipo for di Corsow y 29 ekipo local den categoria di damas y caballeros.

Diahuebs 1 September 2022 lo cuminsa cu algun weganan local y diabierna 2 September 2022 pa 7:00pm lo tene apertura oficial cu sake di prome bola y despues lo sigui cu entretenimento musical di X-Static. Diasabra 3 September 2022 durante henter dia cuminsando pa 11or di mainta ekiponan lo bataya cu otro.

Clasificacion y final lo sigui diadomingo y pa atardi lo conoce Campeon y Sub-campeon di cada categoria. Pa clausura di e torneo aki lo tin entretenimento musical di Rincon Boyz. Tur dia lo tin bar bon surti y cushina cu cuminda crioyo manera custumber. Papaya Ranch ta gradici tur patrocinador pa hasi esaki un torneo exitoso.

Papaya Ranch ta invita un y tur pa asisti y apoya tur ekipo y deporte en general. 

Aki ta sigui un lista di ekiponan cu lo ta participando na XXI Torneo Internacional di Bolas Criollas.

DAMAS

Boneiro : Reggea Girlz, Rasta girls, Sisters & Sisters, The Gems, Bonaire Stars, Girls got Swag, Nikiboko Real Stars, Minnie Mouse, Gold Finch. 

Corsow: Let’s Do it, Destroyer, Coyote Girls, Brazil, Foi bo Cuenta, Las Hermanas, Curachicks. 

Aruba: Jo Bolas, Royal Bolas Team, Tira Malo Pega Bon, Rolling Ball, Headache, Balls & Dolls, Jairo’s, Basora, We are Back, J.B Stars, Flying Balls, Queen Bees, Papaya Ranch. 

CABAYEROS

Boneiro: Unbreakable, Crazy Boys, Sali Zon’ey Fo’, The Gems, Bonaire Stars, Hood Brothers, Nikiboko Real Stars, Dead Shot, Gold Finch. 

Corsow: Twister, Destroyer, Cavalier, Foi bo cuenta, Angel Boys, Los Hermanos, Smart Set, Babranis, Tom & Jerry, Na mi 2, Lihe lihe ta, Ban Pasa bon. 

Aruba: Querendones, Biba Dushi, Setar, Shotaz, Caiman, Tira Malo Pega Bon, Rolling Ball, Headache, Balls & Dolls, Jairo’s, Basora, We are Back, J.B. Stars, Flying Balls, King Bees, Papaya Ranch.