ORANJESTAD (AAN): Minister di Husticia Arthur Dowers, hunto cu directora di DIMAS,
Kathy Ruiz-Paskel a participa na un presentacion cu directiva di AHATA relaciona cu recomendacionnan di maneho pa permiso di trabao na Aruba.
DIARIO a compronde, cu durante e presentacion, e gruponan sinta na mesa a intercambia ideanan y enfokenan cu por contribui na un maneho mas efectivo, transparente y structura, teniendo cuenta cu e necesidadnan di mercado laboral y e interes di Aruba.
E encuentro aki a tuma lugar na oficina di AHATA na Eagle.
